Main page .... www.museumbreskens.nl        

 

PDF

 

jaap Albregtse1.jpg

Verhalen van d'ouwe  Jaap Albregtse 1914 - 2011

Gedeelte uit opgenomen gesprekken begin

jaren '90 @Visserijmuseum Breskens

 

Un dagje hornaot vissen rond 1924 in Bresjes zag  er toen zoo uut Geluidsfragment

Gevallen water weg van de zaote, n s me de vaart mosten over steken n dao kwam een boat mosten we stakeln... wudder ao mao un peterolie lichtje in de mast....  trouwens die stoomboaten vaorden ook mao mee un petrolie lantern... ze aon der twe....... 1 in de voor mast n 1 in  de achtermast die wh oger stoeng... je zag eerder de vlamme uit de puupe dan de navigatie lichten..

Ast mistig was kon je ze ook ruuken as de wind goed zat...  bie den oogs van Bernaatje de Pauw zaten we op un k vlak der voo....  n mao zwaaien n stakeln... moa de lichten bleven mao recht boven mekaore staon... me waoren eel blie toen de toplichten wisselden.. van voren aon ze un laag licht n van  achter un oog licht.. dao moesje altied op letten... n as jongsten n boord mosje stakeln... aster un boot dichtbie kwam riepen ze "aolt de stakelpot mao boven".. terpetine aai je dao in zitten d brande art.. d gaf un eldere witte vlamme... vroeger op de zeilen mosje  ook altied n dek staon, eten en koffie driken was n dek... je moest altied wh un kjee over de wind.. of tegen wind in laveren.. n vooral ai je dan van onder de zuiekant de vaart most over steken dh was gevaorlijk..

 

Normaol waoren ze mee zn 4 an board.. grote sterke vinters.. ze mosten de korren ook binn aolen mee d'hand.. 2 man opt zeetje 1 korretje binnen oalen en z'aon der geen lieren opstaon wh... klein liertje aan de mast  voo't  grote zeil te ijsen.. dao zat ook een lierkop op... ai je dan un kee zwarigheid ao.. kon je de reep dao mee binn aolen... bitje hornaot vingn we dan.. n wah visjes voo de leur... in de winter laogen we stille... mosten we netten breien,  iedern die n boord was... eel de winter lang, gewoon tuus.. ierdern kreeg stringen katoen mee van de schipper om te breien... djeen was vlugger dan de ander minder vlug op 1 winter.... int voorjaor werd de stukken breisel mekaore gezet op de kaaije.. en ze mosten soms 2 korretjes maoken.. zoo van un meter of vierre... soms werkten ze tussendeu as kaaiwerker,  aster werk was... mao normaal was daije elke winter 1 korretje most breien... je kon n paar jaar mee un korretje doen ...zo om en om... aster weinig wind was gooin ze mao 1 netje overboord...aster genoeg wind was deeij ze da mee 2 netjes... as ut te snel ging  ging je vliegen vangn en deejen we ut net te verzwaren mee contra gewichten van peterolie lanterns... zo un kilo of vier vuve, van de lusters die boven tafel angen... die werden dao altied voo gebruukt...

 

n bie ut waoter zeil visten we ook ast bladstille was.. dan roeide ze na udder plekke bie de leste ebbe.. dan gingen we voo anker wachten op de ste  vloed... dan pakten  ze de kluiffok... en ook un stok aon ze dan n die fok   vanonder gebonnn verzwaard mee van die lampe gewichten... der werden weerskanten touwen opgezet.. dan aai je dikwijls vee hornaet.. as de wind wegviel  lagje soms un le dag te drieven... en dan mee 1 trekje aaije nog vee hornaet... dan lieten me de stroom... het getij ut werk doen... dao kon je ook nog mee brassen.... ai je d'ene kant  iets deu aolde kon je dao mee sturen..... brassen tte dh, de leste trek was altied rechtdeu na de vuurtoren van de sluse.en bie het nao binnen vaoren mosje wh zurgen d goed oogte most lopen en d je precies uut kwam bie t ende van t hooft dao kon dan kon je een endje opgooien, om het schip te stoppen. Miste je het ende vant hooft mee volle vloed in je kont dan kwam je in ooftplaote terecht, kwam je ook nog te laote voo de markt dan namen de kopers je hornaot alleen mao mee op risico, en d betekende altied een lage pries.

 

Laoter toen ik ging vissen voo mn deel was het bie un moter en zeil.... toen was ut nog mao 20 pk...nog later kwaomen die zware motorren.. van 50 of 80 pk toen bin de zeilen d'r af gegaon.... maah lank ister nog een slingerzeil gebruukt tot in de 50tigger jaren.. da was tegen't slingern... nog later kwamen er kimkielen aon.... een soort stabilisators zeg mao, da schol eel vee tegen't slingeren, eigenliek ging th mao stapje voo stapje vooruut...